Ashtu siç edhe kishte paralajmëruar, të premten këngëtarja shqiptare me famë botërore, Bebe Rexha, ka sjell këngën e saj më të re.
Ajo ka bashkëpunuar me grupin e famshëm The Chainsmokers, për këngën e tyre të re me titull “Call you mine”.
Pasi sollën këngën në versionin audio me tekst, treshja në fjalë pak orë më pas sollën edhe klipin e tyre të ri.
Edhe këtë herë, Bebe Rexha nuk i zhgënjeu fansat e saj me një paraqitje tejet atraktive dhe provokese në video.
Me pamjen e re me flokët ngjyrë rozë, shqiptarja është dukur edhe më tërheqëse teksa performonte para dy djemve të grupit.
Rexha përndryshe vazhdon të jetë e angazhuar edhe me koncerte të shumta, dhe pas disa muajsh do të nisë turneun e saj gjigant në Amerikë. /Telegrafi/
(Klipi nuk është i disponueshëm për rajonin e Kosovës):
