Të shtëna me armë zjarri janë dëgjuar sot në Pejë, më saktësisht në rrugën “Nënë Tereza”, ku një person ka mbetur i plagosur.
Të shtënat në mes të ditës kanë shkaktuar panik të madhe tek qytetarët.
Në një video të cilën e ka siguruar Telegrafi, shihet momenti i plagosjes si dhe qytetarët përreth të frikësuar.
Ndërkohë, lidhur me rastin Policia e Kosovës ka arrestuar dy persona, si dhe është në kërkim edhe të personit tjetër i cili është i përfshirë në plagosje.
“Policia e Kosovës pas një pune intensive operativo-hetimore ka arritur që ta arrestoj edhe personin e tretë të dyshuar të rastit të plagosjes. Ndërsa jemi duke punuar intensivisht për arrestimin e personit të katërt të këtij incidenti me armë, dhe personi i plagosur i cili është në Spital, konsiderohet të jetë i dyshuar”, thuhet në njoftimin e Policisë së Kosovës, transmeton Telegrafi.
Pamje nga vendi ku ndodhi plagosja:
