Megjithëse fokusi i transferimeve të Barcelonës është përqendruar te Neymar, pjesa tjetër e operacioneve janë ende duke u zhvilluar.
Këtë të hënë, Fabio Paratici, drejtori sportiv i Juventus, u takua me zyrtarët katalunas për të negociuar rreth një transferimi të mundshëm të Juan Mirandas por, me të ardhmen e negociatave, u shfaq një mundësi e re në ajër: një shkëmbim midis Emre Canit dhe Ivan Rakiticit.
Bisedimet filluan me një ofertë nga Juventusi për Mirandën, një mesfushor 19-vjeçar të Barça B. Futbollisti, i cili tashmë ka debutuar me skuadrën e parë, është e interesuar për një kalim te Torino dhe Paratici ofroi një shkëmbim për Ruganin.
Kjo gazetë pohon se negociatat vazhduan me një ofertë të re dhe të dy klubet biseduan rreth mundësisë së shkëmbimit midis Emre Canit dhe Ivan Rakiticit. Të dy klubet do ta konsideronin këtë opsion dhe, sipas Tuttosport, largimi i Rakitic do ta ndihmonte Barçën në operacionin Neymar.
Synimi i klubit që nga fillimi i verës është të bëjë para me kroatin ose Arturo Vidalin. Ky është një nga frontet e fundit të hapura në lidhje me largimet pas transferimit të Coutinhos.
Ndryshe, Neymar raportohet se i është ofruar edhe Juventusit, i cili thuhet se ka ofruar 100 milionë euro plus Paulo Dybalan për PSG-në. /Telegrafi/
