Në video mesazhin e drejtuar popullit ukrainas të premten herët në mëngjes, presidenti Volodymyr Zelensky tha se “herët a vonë, Rusia do të duhet të flasë me ne për përfundimin e këtij operacioni ushtarak, për përfundimin e këtij pushtimi dhe sa më shpejt të fillojë kjo bisedë, aq më pak humbje do të ketë Rusia.
Duke dhënë një notë sfiduese edhe kur forcat ruse përparojnë në kryeqytetin e Ukrainës, Kiev, Zelensky tha “Ne jemi në tokën tonë, ne kemi të vërtetën, ato nuk mund të shkatërrojnë karakterin tonë. Raketat ruse ‘Kalibr’ janë të pafuqishme kundër lirisë sonë”.
Zelensky gjithashtu përshëndeti protestat në Rusi kundër pushtimit, raporton cnn.
“Për të gjithë qytetarët e Federatës Ruse që po dalin për të protestuar, dua t’ju them ju shohim. Do të thotë se na keni dëgjuar”, tha ai.
.@ZelenskyyUa's tv address to the Russian (!) people might be the most moving speech that I've ever seen in my entire life. The whole world needs to see, understand and share this crucial Ukrainian message.#StandWithUkraine #Ukraine #Україна #Russia #Россия pic.twitter.com/WoMOgqXTWX
— Patrick Moelleken 🇺🇦 (@PMoelleken) February 24, 2022
Të enjten, protestuesit kundër luftës mbajtën demonstrata të vogla në të gjithë Rusinë, sipas mediave të pavarura dhe organizatave monitoruese – edhe pse ata u arrestuan dhe policia kërcënoi se do të shpërndante turmat me forcë fizike.
Rusia ndalon demonstratat pa leje, por rusët mund të organizojnë protesta individuale me një person.
Deri në mbrëmjen e së enjtes me orën e Moskës, të paktën 1,237 persona ishin arrestuar në të paktën 44 qytete në të gjithë Rusinë, raportoi grupi i pavarur i monitorimit OVD-Info. /Telegrafi/