Ka dalë një video që e shfaq Cristiano Ronaldon duke folur gjuhë të ndryshme dhe kjo i ka habitur plotësisht disa fansa.
Ylli portugez flet rrjedhshëm gjuhën e tij amtare dhe ka ndërtuar në mënyrë efektive aftësitë e tij të të folurit anglisht gjatë periudhës së tij të parë në Manchester United.
Sulmuesi 38-vjeçar pati sukses të jashtëzakonshëm nën drejtimin e Sir Alex Ferguson në Old Trafford, ku fitoi tre tituj të Ligës Premier dhe një Ligë të Kampionëve.
Ronaldo përfundoi një transferim të atëhershëm rekord botëror te Real Madridi në vitin 2009 për 94 milionë euro.
Pesë herë fituesi i Topit të Artë kishte arritur të përvetësonte edhe gjuhën spanjolle para kalimit te Juventusi.
Një përmbledhje e bërë nga fansat tregon Ronaldon duke folur në një gamë të gjerë gjuhësh të ndryshme, duke përfshirë anglisht, portugalisht, spanjisht dhe italisht.
Megjithatë, fansat u befasuan kur 38-vjeçari filloi të fliste rusisht dhe pak kush mund ta ketë ditur për këtë.
Ronaldo më parë ishte në lidhje me modelen ruse Irina Shayk përpara se dyshja të ndaheshin në vitin 2015, me kapitenin e Portugalisë aktualisht në një lidhje me Georgina Rodriguez. /Telegrafi/
