Stacionet policore pranë Drejtorisë Rajonale të Policisë në Pejë kanë arrestuar 33 persona të dyshuar gjatë muajit shtator 2024, bazuar në urdhëresat e lëshuara nga Gjykatat kompetente.
Sipas njoftimit, personat e arrestuar janë të dyshuar për vepra të ndryshme penale.
Disa prej tyre janë dërguar në qendrat e paraburgimit për vuajtje të dënimit, ndërsa të tjerë janë paraqitur në seanca gjyqësore dhe janë liruar pas pagesës së gjobës.
Policia e Pejës ka bërë të ditur se do të vazhdojë me zbatimin e urdhëresave gjyqësore. /Telegrafi/