Ish-trajneri i Tottenhamit, Mauricio Pochettino, ka folur rreth të ardhmes së tij dhe zërave që e përcollën edhe në këtë afat kalimtar.
Ai tregoi për të vërtetat dhe thashethemet, por edhe për disa komente të tij nga e kaluara.
“Ata nuk më ofruan ta drejtoja Barçën. Por, edhe unë nuk e pash vetën me Bartomeun”, ka thënë Pochettino për Marcan.
“U takova me Ramon Planes (drejtori i Barcelonës) sepse me atë kam miqësi për shumë vite, që nga 2009 kur nënshkrova për Espanyolin”.
Pochettino në të kaluarën kishte thënë se do të drejtonte kurrë Barçën pasi ata ishin rival të ish-klubit të tij, Espanyol: “Ishte në mënyrë ironike. Ishte konferenca ime e parë për media për Tottenhami dhe ata më pyetën për thashethemet rreth Barçës. Kështu u përgjigja me ironi dhe mendoj se e teprova, kam thënë atë që kam thënë”.
“Tingëllon mirë për tifozët radikal të Espanyolit, por unë nuk dua të flas për ata. Nuk duhet të arsyetoj asnjë deklaratë time, sepse askush nuk mund ta vë në dyshim dashurinë time për Espanyolin”.
48-vjeçari foli edhe për fjalët në media që e lidhnin me klubet tjera: “As PSG, Juventusi apo Interi nuk kanë bërë oferta. U telefonova nga Benfica dhe Monaco. Nuk kam nevojë të gënjeje”.
“Nuk e di nëse ndonjë herë do të drejtoj Real Madridin, por është ëndrra ime. Nëse nuk është klubi më i madh në botë, është një nga më të mirët. Nuk jam ndryshe, të gjithë kanë ëndrra”. /Telegrafi/