Altuna Sejdiu së shpejti do ta lansojë bashkëpunimin e saj me hip-hop artistin e famshëm amerikan, Fatman Scoop.
Këtë ajo e ka bërë të ditur përmes rrjeteve sociale. Tuna ka shpërndarë një fotografi të kompanisë “ImagineFilms”, që është përkujdesur për realizimin e videoklipit, e në të cilën përshkruhet se është duke u punuar në fazën e fundit të produksionit.
Burime të portalit koha.net kanë bërë me dije se incizimet e këtij videoklipi janë realizuar në Strugë.
“Kënga do të jetë e veçantë dhe është e dedikuar për tregun amerikan, ku këngëtarja shpreson të futet”, kishte thënë burimi i portalit, në muajin korrik, pak para lansimit të këngës së Tunës me Cozmanin “Holla”.
