Elif Elmazi ka filluar shkëlqimin në kampionatin turk.
Mesfushori qendror po luan me mjaft sukses me skuadrën e parë të Fenerbahces në kampionatin turk.
18-vjeçari i cili luan me Përfaqësuesen e Maqedonisë ka nisur të luaj rregullisht me ekipin e parë të Fenerbaces si në kampionat ashtu edhe në garat evropiane.
Elmazi së fundmi ka shënuar edhe një gol të vlefshëm ndaj Konyaspor duke i dhënë fitoren skuadrës së tij 0-1.
E pas shkëlqimit me fanellën e Fenerbahces, shqiptari nga Maqedonia ka zgjuar interesimin e skuadrave të mëdha evropiane.
Media turke ‘TRTSpor’, ka raportuar se skuadra të mëdha si Borussia Dortmund, Manchester City, Atletico Madrid, Benfica, Spartak Moska dhe Roma janë vënë në ndjekje të shqiptarit.
Madje gjigantët anglez të Manchester City kishin dërguar edhe skaut për ta parë nga afër Elmazin në ndeshjen ndaj Dinamo Zagrebit në Ligën e Evropës.
Fenerbahce arriti ta marrë Elmazin nga Rabotnicki një vit më parë për vetëm 180 mijë euro.
Tani vlera e talentit shqiptar kap shumën e 10 milionë eurove. /Telegrafi/