Paulo Dybala apo Lorenzo Insigne mund ta zënë vendin e Neymarit te Barcelona, nëse braziliani largohet nga Camp Nou.
Sulmuesi i Blaugranëve është duke u kërkuar me ngulm nga Paris Saint-Germaini që është gati të shpenzojë 222 milionë euro për klauzolën e tij.
Në këtë rast, katalunasit duhet të gjejnë sulmuesin e tretë për ta mbushur boshllëkun eventual krahas Lionel Messit dhe Luis Suarezit në sulm.
Gazzetta dello Sport bën të ditur se klubi spanjoll është duke e kërkuar zëvendësuesin në Itali.
Zgjedhja e parë është sulmuesi i Juventusit, Dybala, i cili shpeshherë është krahasuar me Messin, ndërsa e meta e vetme e tij është se nuk luan në pozitën e Neymar.
Nga ana tjetër, anësori i Napolit, Insigne, është shënjestër, pasi shënoi 18 gola dhe dhuroi nëntë asistime në Serie A në sezonin e kaluar.
Të dy lojtarët kanë nënshkruar kontrata pesëvjeçare me klubet respektive në prill të këtij viti, ashtu që nuk do të kushtojnë lirë. /Telegrafi/