Stefano Pioli ka folur në konferencën për shtyp para ndeshjes me Fiorentinën.
Interi është mikpritës i Fiorentinës në takimin e fundit të Serie A që zhvillohet të hënën në Giuzzepe Meazza në një sfidë që nuk do të jetë aspak e lehtë për zikaltrit që nuk po mund të gjejnë formën këtë sezon.
“Fiorentina luan futboll të mirë, kanë shumë cilësi. Nuk duhet t’i nënvlerësojmë nga humbja e tyre në Ligën e Evropës”, ka thënë Pioli në konferencën për shtyp para ndeshjes.
“Ne duhet të gjejmë vendosmërinë e duhur në një ndeshje të rëndësishme. Kjo është skuadra që duhet të frymëzojë tifozët duke luajtur me shpirt luftarak”.
“Unë dua në fushë ata që më japin më shumë garanci tani. I gjithë ekipi duhet të jetë më i saktë dhe kështu do t’ia bëjmë jetën më të lehtë mbrojtësve”, përfundoi trajneri italian. /Telegrafi/