Trajneri i Milanit, Stefano Pioli, ka thënë se Zlatan Ibrahimovic ka kërkuar falje për shkak të përjashtimit me karton të kuq në ndeshjen kundër Interit.
Sulmuesi veteran e zhbllokoi rezultatin në pjesën e parë, mirëpo u përjashtua me kartonin e dytë të verdhë në minutën e 58-të të takimit.
Pas përjashtimit të tij, Interi ia doli ta përmbyste rezultatin (me golat e Romelu Lukaku dhe Christian Eriksen) duke i eliminuar Rossonerët nga Kupa e Italisë.
Zlatan and Lukaku are going at it 😳 pic.twitter.com/yMLFI72tiz
— ESPN FC (@ESPNFC) January 26, 2021
Trajneri i Milanit ka thënë se përjashtimi i Ibras e ndryshoi rrjedhën e lojës dhe ndikoi në kualifikimin e Interit të gjysmëfinale, ndërsa 39-vjeçari ka kërkuar falje për këtë gjë.
“Si një kampion i madh që është, Zlatan kërkoi falje”, ka treguar Pioli në konferencën për shtyp pas ndeshjes.
Vlen të theksohet se suspendimi eventual i Ibrahimovicit në Kupën e Italisë, nuk do të ndikojë në lojën e tij në Serie A. /Telegrafi/
