Real Madridi është duke menduar që të transferojë Paul Pogban dhe jo Edouardo Camavingan.
Los Blancos ka kohë që janë në ndjekje të dyshesh, mirëpo vetëm njëri do të kalojë në Santiago Bernabeu.
Sipas asaj që raporton AS, Real Madridi duket se e preferon transferimin e anëtarit të Manchester United, që pritet të largohet nga Old Trafford në verën e vitit 2021.
Calciomercato raporton se mes një marrëveshjeje të arritur mes dy palëve, 27-vjeçari lejohet të largohet nga klubi anglez për një shumë rreth 60 milionë euro.
Në anën tjetër, Rennes e ka njoftuar Real Madridin se për t’i marrë shërbimet e Camavingas, duhet të paguajnë rreth 80 milionë euro.
Duke parë dallimet në çmim, por edhe publicitetin që gëzon Pogba në markat ndërkombëtare, atëherë Real Madridit i konvenon transferimi i anëtarit të Unitedit. /Telegrafi/