Romeo Veshaj dhe Meriton Mjekiqi janë përfshirë në një debat të ashpër gjatë ditës së sotme (e diel).
Kjo pas daljes së Ilnisa Agollit, ku prezantuesi nga Kosova u akuzua nga Romeo se e ka dashur jashtë këtij formati.
Ata i bërtisnin në fytyrë njëri-tjetrit duke kaluar edhe në ofendime.
“Ia preve ëndrrat, ti e doje jashtë atë. Kjo është e vërteta plak. Të pëlqen”, iu drejtua Veshaj – Mjekiqit.
Ai në anën tjetër ia ktheu: “Mos guxo ta përmendësh. Je i turpshëm. Si guxon me përmend Ilnisën, të ka respektuar ty”.
Romeo dhe Meritoni kanë pasur përplasje të shumta në shtëpi, pavarësisht se në fillim ishin miq të mirë.
Përkundër kohës së kaluar bashkë, ata hodhën poshtë çdo gjë e zbuluan shumë gjëra të njëri-tjetrit. /Telegrafi/