Ajo është sensacioni i muzikës pop që performoi në një shfaqje, biletat e së cilës u shitën për një natë në Melbourne të dielën mbrëma.
Dhe vetëm disa orë para se Dua Lipa të dilte në skenë, 27-vjeçarja u pa duke firmosur autografe dhe duke përshëndetur fansat jashtë Teatrit Palais.
Krijuesja e hitit “One Kiss” dukej atraktive me një xhaketë sportive në ngjyrë të zezë, të cilën e kombinoi me një këmishë dhe xhinse ngjyrë blu.
Dua e kompletoi dukjen me një palë syze diell të zeza dhe vathë.
Ajo po ashtu tregoi ngjyrën e saj natyrale dhe dukej se kishte pak grim për këtë paraqitje.
Autorja e këngës “Levitating” do të kthehet në Australi muajin e ardhshëm pasi pritet të performojë në Brisbane më 5 nëntor, përpara se të jetë e pranishme në dy shfaqje në Sydney më 9 dhe 10 nëntor.
Më pas këngëtarja do të ketë dy koncerte të tjera në Melbourne më 11 dhe 12 nëntor përpara performancës në Adelaide më 14 nëntor.
Zeshkania do të përfundojë turneun e “Future Nostalgia” në Perth më 16 nëntor.
Koncerti vjen pasi artistja konfirmoi se është beqare pas një valë thashethemesh se ishte në lidhje me shokun e saj, Trevor Noah.
Dyshja u fotografuan së bashku teksa po shijonin një darkë në fillim të këtij muaji. /Telegrafi/
