Lionel Messi bëri një paraqitje të jashtëzakonshme kundër Italisë, me pikat kryesore të paraqitjes së individuale që tashmë kanë pushtuar rrjetet sociale duke u vlerësuar lartë.
Messi luajti një rol të madh në fitoren 3-0 të Argjentinës kundër Italisë në stadiumin Wembley të mërkurën mbrëma në ndeshjen e quajtur si Finalissima.
34-vjeçari riktheu në kohë ditët e tij më të mirë duke treguar formë të papërmbajtshme dhe ishte një kërcënim i vazhdueshëm ndaj kampionëve të Euro 2020.
Ai krijoi shkëlqyeshëm golin e parë për Lautaro Martinez, duke kaluar Giovanni Di Lorenzon për të asistuar për sulmuesin e Interit, i cili e pati të lehtë të shënojë.
Messi rrëmbeu një tjetër asistim në fund të ndeshjes, pasi në shtesë asistoi për zëvendësuesin e pjesës së dytë Paulo Dybala që vulosi rezultatin përfundimtar 3-0.
Larg dy asistimeve të tij, lojtari i Paris Saint-Germain e drejtoi gjithë shfaqjen. Ai realizoi më shumë driblime, krijoi më shumë raste dhe fitoi të 10 duelet e tij.
Messi dukej i uritur dhe i përqendruar teksa dha një paraqitje të shkëlqyer në skenën ndërkombëtare, duke dërguar një paralajmërim për kombëtaret kryesore përpara Kupës së Botës “Katar 2022”.
Në rrjetin social Twitter tashmë po qarkullon një video me përmbledhjen mahnitëse të paraqitjes së Messit, i cili gjithashtu u zgjodh “Lojtari i Ndeshjes” në Finalissima. /Telegrafi/
? | Lionel Messi vs Italy
Man if the Match performance ⭐️ Are we surprised? ?
— TJ ??? (@Frenkie_Chief) June 1, 2022