Për herë të parë pas pesë sezonesh, Arsenali e ka kryesuar grupin në Ligën e Kampionëve. Mirëpo, kjo nuk do të thotë se Topçinjtë i kanë shpëtuar shortit të vështirë.
Për 1/8 e finales, një nga kundërshtarët e mundshëm të klubit anglez mund të jetë edhe Real Madridi.
Sot (e hënë) në Nyon do të hidhet shorti, ndërsa krahas Los Blancos, Arsenali si kundërshtar potencial e ka edhe Bayern Munichun.
Në krye të grupit përfundoi edhe Juventusi, por nga kundërshtarët e rrezikshëm e ka Real Madridin, Manchester Cityn, Bayern Munichun e Paris Saint-Germainin.
Një nga shortet më interesante që mund të ndodhë është edhe përballja e mundshme ndërmjet Barcelonës dhe Bayern Munichut.
Po ashtu, dueli eventual PSG-Borussia Dortmund mund të tregohet atraktiv. /Telegrafi/