Videoja e influencueses Megi Pojani te varri i stërgjyshes ka marrë vëmendjen e të gjithëve të hënën.
Kjo pasi ajo bashkë me motrën e saj, Marsin, mund të shiheshin pranë varrit teksa e përdhosin dhe qeshin para kamerës duke u tallur me të.
Mbi videon në fjalë pati reagime të shumta edhe nga fytyrat publike si Noizy apo këngëtarja Rozana Radi, gjersa vet Megi u detyrua që të bëjë një kërkim-falje publike për gjestin e saj.
Ajo shkroi se videoja nuk është postuar me atë qëllim dhe i kërkon ndjesë kujtdo që mund të jetë prekur dhe mund ta ketë keqkuptuar atë video.
Ndërsa, motra e saj Marsi e cila ishte ajo që e publikoi videon, reagoi gjithashtu në rrjetet sociale mbi rastin në fjalë.
Ajo publikoi në InstaStory një artikull ku shkruhej se është në rregull që të qeshësh në funeral ose varreza.
“Përveç Rigelsit dhe Rozit, prandaj e kanë kokën më të madhe se turpi, se mbajnë gjithë protokollin e cancel culture (kulturës së bojkotimit)”, ka shkruar Marsi.
Videoja në fjalë i ka kushtuar Megit edhe me humbje ndjekësish në rrjetet sociale. /Telegrafi/
