Katër persona janë arrestuar sot, pasi kanë vizatuar flamurin ukrainas në një rrugë në afërsi të ambasadës ruse në Londër.
Aktivistët e Led By Donkey kanë marrë përgjegjësinë për flamurin verdhëekaltër prej 500 metrave katrorë, të vizatuar në rrugën Bayswater në Londër, transmeton Telegrafi.
Ata thanë se e kanë bërë këtë për të shënuar vitin e parë të pushtimit rus në Ukrainë.
Policia britanike ka njoftuar se tre burra dhe një grua, janë arrestuar nën dyshimin se kanë dëmtuar rrugën dhe kanë bllokuar trafikun.
Aktivistët shpjeguan se flamurin e kanë vizatuar duke derdhur në asfalt 170 litra ngjyrë të verdhë, dhe të njëjtën sasi të ngjyrës së kaltër.
Veturat që kalonin në atë rrugë u zhyteshin gomat me ngjyrë, kurse autoritetet e rendit reaguan duke çbllokuar rrugën. /Telegrafi/
340 liters of paint in the colors of Ukrainian flag were poured near the Russian embassy in #London by Led by Donkeys activists. Four people were detained for obstructing traffic.
The group said non-toxic, solvent-free and fast-dry paint was washable and designed for road art. pic.twitter.com/bbXHDILCgI
— NEXTA (@nexta_tv) February 23, 2023