Rap-artisti shqiptar, Capital T, ka njoftuar fansat se është në përgatitje të një projekti të ri.
Ai këtë herë ka bashkuar forcat me këngëtarët, Rina Balaj e Eaz, videoklipi i të cilëve është duke u realizuar në Shqipëri.
Në një video që ka ndarë me fansat, Trim Ademi (emri i vërtetë) thekson se derisa ishin duke xhiruar panë disa turistë, që iu bashkuan më pas atyre për në klip.
Një pjesë e këtij projekti muzikor u realizua te ‘Syri i Kaltër’ që gjendet në Sarandë.
“Videoja më e lezetshme. Dirty Move. 30/08 në të gjitha platformat digjitale”, ka shkruar ai.
Capital T këto ditë ka qenë shumë i komentuar në media për shkak të koncertit madhështor në Prishtinë.
“Time Capsule 2” u organizua në një nivel botëror me rreth 16 mijë njerëz të pranishëm. /Telegrafi/