Ish-mesfushori i Chelseat dhe Brazilit, Oscar, është vendosur për ‘kullota të reja’ pasi ka kaluar shtatë vitet e fundit në Superligën e Kinës.
Ylli brazilian u transferua në Shangai SIPG në vitin 2017 pasi kaloi pesë sezonet e mëparshme në Stamford Bridge me Chelsean.
Shanghai pagoi plotë 60 milionë euro për Oscar, me pagën e tij që thuhet se ishte rreth 20 milionë funte në vit, pas tatimit.
Por, pasi ka fituar dy tituj të Superligës së Kinës, ylli i talentuar tani është në bisedime në lidhje me një largim nga vendi aziatik përpara sezonit të ardhshëm.
Sipas The Athletic, mesfushori është dashuruar nga ekipet e Major League Soccer këtë verë dhe duket se ai mund të vendosë të përfundojë karrierën e tij larg Kinës.
Pasi ka shënuar tetë gola dhe ka regjistruar 14 asistime sezonin e kaluar, destinacioni i mundshëm i Oscar mbetet një mister për momentin.
Megjithatë, Tom Bogert përjashtoi një lëvizje te Atalanta United, me Thiago Almada të vendosur për një lëvizje në Evropë këtë verë.
Sources: Former Brazil int’l Oscar open to continuing career in MLS.
Oscar, 32, been offered to MLS clubs with his contract in China expiring this winter. Has 8g/14a in 16 apps this season.
Won’t be Atlanta though, who want to go younger for Almada replacement. pic.twitter.com/mXpRTXE6sT
— Tom Bogert (@tombogert) July 1, 2024
Oscar pranoi vitin e kaluar se ai dhe përfaqësuesit e tij kishin qenë në negociata me Barcelonën për një transferim të mundshëm në Spanjë.
“Barcelona kontaktoi agjentin tim për të ditur për këtë mundësi, ata e dinin se futbolli në Kinë do të ndalonte deri në mars. Por, Barça po përballet me një kohë të vështirë tani”, ka thënë Oscar për TNT Sports në vitin 2023.
Pasi kishte pasur sukses në Angli, Oscar nuk kishte arritur gjithashtu të përjashtonte një rikthim në Ligën Premier.
Tani në moshën 32-vjeçare, mesfushori pranoi se gjithmonë do të shikojë mbrapa kohën e kaluar me Blutë me shumë dashuri, pasi kishte fituar dy trofe të Ligës Premier gjatë qëndrimit të tij pesë-vjeçar. /Telegrafi/