Mbrojtësi i Arsenalit, Oleksandr Zinchenko zbuloi se çfarë i tha Trent Alexander-Arnold i Liverpoolit pas barazimit të tyre emocionues 2-2 në prill.
Ukrainasi pohoi se anglezi nuk kishte për qëllim ta turpëronteatë përpara se Roberto Firmino të shënonte për The Reds.
Ndeshja ishte një provë vendimtare për Arsenalin në garën për titull kundër Manchester Cityt. Topçinjtë kishin epërsi me dy gola, por Liverpooli u kundërpërgjigj dhe goli i Firminos, pas atij rasti mes dyshes, e çoi në barazim. Ky rezultat uli epërsinë e Arsenalit në krye në vetëm gjashtë pikë me një lojë më shumë se City.
Pavarësisht momentit intensiv gjatë lojës, Zinchenko tha se Alexander-Arnold i tha personalisht se t’ia fuste topin mes këmbëve ishte i paqëllimshëm: “Kam folur me të pas ndeshjes në tunel”, shpjegoi Zinchenko në kanalin FIVE të Rio Ferdinand në YouTube.
“Ai tha: ‘Alex, do të jem i sinqertë me ty, nuk e prisja që të ta bëja atë. Në fund thjesht ula kokën dhe pashë se topi ishte ende me mua dhe pastaj pasi kuptova se e bëra u ndjeva keq'”.
“E dija se ai do të më takonte! E dija! Nëse i shihni fotot, gjunjët e mi po preknin njëri-tjetrin, e dija se kjo ishte mënyra e vetme që ai mund të kalonte përmes meje”, ka shtuar më tej Zinchenko. /Telegrafi/
