Federico Chiesa prej vitesh është konsideruar si një nga futbollistët më të mirë italianë, por ai është duke kaluar nëpër një periudhë të vështirë në karrierë.
Ylli italian në verë iu bashkua Liverpoolit nga Juventusi për 12 milionë euro, por aventura në Angli nuk ka shkuar siç ai e kishte menduar.
Chiesa deri më tani ka zhvilluar vetëm tre ndeshje me Liverpoolin, çka është shumë pak për një futbollist të kalibrit të tij.
Por largimi i tij nga Liverpooli në afatin kalimtar të janarit është i pashmangshëm dhe lojtari po pret rikthimin në Itali pasi nuk po ambientohet me futbollin anglez.
Calciomercato ka raportuar se numri i skuadrave italiane që kanë shprehur interesim për anësorin ka shkuar në gjashtë.
Roma, Milan, Napoli, Fiorentina, Lazio dhe Como janë skuadrat që kanë shprehur interesim për transferimin e anësorit.
Liverpooli është i gatshëm ta lejoj huazimin e lojtarit me atë skuadër që do t’i fitojë shërbimet e tij do ta ketë të drejtën e blerjes për rreth 20 milionë euro. /Telegrafi/