Reperi i njohur shqiptar, Noizy, është nga reperët më të njohur të estradës shqiptare.
Të ardhurat e mira nga muzika ia kanë mundësuar atij që të bëjë një jetë mjaft të mirë dhe luksoze, duke jetuar në shtëpinë që do dhe veturat që pëlqen.
E kur jemi te veturat, reperi nga Durrësi duket të ketë qenë vetëm 15 vjeçar, kur për herë të parë në jetën e tij ka parë një ‘Ferrari’ nga afër.
Ai madje aso kohe edhe kishte realizuar një fotografi pranë veturës së markës së famshme italiane.
Këtë fotografi Noizy e ka ndarë së fundmi me ndjekësit e tij në rrjetin social Instagram, duke shkruar në mbishkrimin e saj: “15 vjeçar në SouthEnd, kur kam parë ‘Ferriari’ për herë të parë”.
Ndërkohë nga të ardhurat e mira nga muzika dhe biznesi, Noizy ka arritur që të ketë tashmë dy vetura të kësaj marke të parkuara në garazhin e tij.
Noizy njihet për jetën e tij luksoze që bën, të cilën nuk heziton që herë pas here ta ekspozojë në rrjetet sociale. /Telegrafi/