Site icon Telegrafi

“Njeriu nga një planet tjetër”, Messi debuton te Inter Miami me një supergol nga goditja e dënimit

Shkumbin Pireva

Lionel Messi shënoi golin e tij të parë për Inter Miamin në minutën e katërt shtesë në Kupën e Ligës së Amerikës Veriore dhe Qendrore dhe këtë e bëri në mënyrë fantastike nga gjuajtja e lirë për të fituar 2-1 kundër Cruz Azul.

Messi nuk e nisi ndeshjen e mbrëmshme në formacionin titullar, por mori mundësinë për të luajtur, së bashku me Sergio Busquets, duke u inkuadruar në minutën e 54-të.

Më herët u bë e ditur se Messi ndoshta do të ketë kohë të kufizuar në fillim dhe se i duhet kohë për t’u mësuar me fushën e re.

Në momentin kur ai dhe Busquets hynë në lojë, Inter Miami kishte epërsinë me golin e Taylor në minutën e 44-të, por në minutën e 65-të mysafirët barazuan pasi Antuna shënoi për 1:1. Dhe pas kësaj, u duk se ndeshja do të përfundonte pa fitues dhe më pas në skenë doli Messi.

U luajt minuta e katërt e shtesës, madje kishin kaluar dy minuta nga përfundimi i kohës së shtuar nga gjyqtari dhe më pas Messi befasoi të gjithë me një goditje dënimi fantastike dhe i solli fitoren Inter Miamit.

Ky ishte goli i tij i parë në fanellën e klubit të tij të ri dhe sigurisht vetëm një nga shumë që do të shënojë ylli argjentinas për Inter Miamin.

Ndeshjen e radhës, po në Kupën e Ligës, Inter Miami do ta luajë më 26 korrik në kundër Atalantas. /Telegrafi/

Exit mobile version