Përveç Bledi Manes, Kristi Aliaj, përgjatë kësaj jave ka pasur debate të ashpra edhe me Luiz Ejllin.
Marrëdhënia e tyre është përçarë në momentin që artisti shkodran dërgoi në nominim atë, Armaldon dhe Oltën.
Aliaj e cilësoi si të pabesë, teksa që nga ajo ditë, marrëdhënia e tyre nuk ka qenë më e njëjtë.
Përkundër raportit të tyre që duken sikur miq, ata ofendohen dhe ngacmohen shpesh me njëri-tjetrin.
“Nuk ka më raport. Një njeri që vetëm ofendon dhe mashtron, nuk mund të kesh raport me të. Jemi dy mekanizma që kundërshtojmë njëri-tjetrin për të fituar. Ka treguar që ai nuk di të mbajë marrëdhënie në këtë shtëpi. Provonte të kërkonte llogari për situata, kur nuk meritonte t’i jepja llogari dhe tani përfunduam këtu. Kemi komunikim, por ai nuk është i aftë të mbajë një marrëdhënie. Nuk mund të kem marrëdhënie me një person të tillë”, u shpreh Kristi.
“Ky është zhgënjimi i dytë në këtë rrugëtim. Kur tha që mund të eci edhe vetëm, ky është zhgënjim për mua”, tha nga ana tjetër Luizi.
“Je sjell shumë keq me mua. Nuk di të komunikosh”, vazhdoi Kristi.
Veç kësaj, ata diskutuan sërish duke i sqaruar fjalët që në shumë raste kaluan edhe në ofendime. /Telegrafi/