Chelsea pritet të rivalizojë Real Madridin për transferimin e Dean Huijsen nga Bournemouth gjatë afatit kalimtar veror.
Adoleshenti spanjoll ka shkëlyqer në elitën e futbollit anglez këtë sezon. Huijsen bëri debutimin e tij për Spanjën në barazimin 2-2 ndaj Holandës të enjten.
Është raportuar se Real Madridi po monitoron situatën e tij me synimin që të bëjë një ofertë në verë, pasi Huijsen është deklaruar si tifoz i ‘Los Blancos’.
Sidoqoftë, Marca ka raportuar se Chelsea po ashtu po mban një sy afër tek progresi i spanjollit.
‘Blutë e Londrës’ kanë shpenzuar mjaft shumë për të ardhmen gjatë sezoneve të fundit dhe 19-vjeçari do t’i përshtatej politikës së tyre të transferimeve.
Megjithatë, e përditshmja spanjolle beson se Huijsen do të konsideronte vetëm një kalim në ‘Santiago Bernabeu’ gjatë verës.
Huijsen ka zgjedhur që të përfaqësojë Spanjën, por në fakt ai është lindur nga prindërit holandezë në Amsterdam.
Ai u bë zyrtarisht qytetar i Spanjës në vitin 2024 dhe bëri debutimin e tij me ‘Furinë e Kuqe’ në ditëlindjen e tij.
Huijsen pritet që të luajë nga minuta e parë në ndeshjen e dytë ndaj Holandës në kuadër të çerekfinaleve të Ligës së Kombeve./Telegrafi/