Kryeministrat polak, slloven dhe çek tashmë kanë nisur takimin e paraparë me presidentin ukrainas, Volodymyr Zelenskyn në Kiev.
Tashmë është publikuar një video në rrjetet sociale të takimit mes Janez Janshas (Sllovenia), Petr Fialla (Çekia) dhe Mateusz Morawiecki (Polonia).
Presidenti ukrainas, Zelensky u takua me kryeministrat e Polonisë, Çekisë dhe Sllovenisë. Ky është një gjest i rëndësishëm solidariteti dhe mbështetjeje nga liderët e huaj”, ka shkruar gazetarja bjelloruse, Hanna Liubakova. Kjo e fundit ka kohë që është distancuar nga veprimet e qeverisë së vendit të saj, duke kundërshtar agresionin rus në Ukrainë.
Theksojmë në takim është i pranishëm edhe kryeministri ukrainas, Denys Shmyhal, i cili i ka njoftuar mysafirët për gjendjen në Ukrainë.
Tre liderët evropianë – të cilët thanë se po përfaqësonin Këshillin Evropian në takimin e Kievit – udhëtuan për në kryeqytetin ukrainas me tren.
Ndryshe, Rusia ka vazhduar me bombardime edhe sot duke shkaktuar viktima dhe dëme materiale. /Telegrafi/
#Ukraine In Kyiv, President @ZelenskyyUa met with the prime ministers of Poland, Czechia and Slovenia. This is an important gesture of solidarity and support from foreign leaders pic.twitter.com/H9Rzuv9TM3
— Hanna Liubakova (@HannaLiubakova) March 15, 2022