Kombëtarja e Shqipërisë sfidon më 11 qershor Moldavinë në stadiumin “Elbasan Arena” në kuadër të evropianit të vitit 2020.
Federata Shqiptare e Futbollit (FSHF) në kuadër të kësaj sfide ka nxjerrë në shitje nga dita e sotme (e hënë) biletat.
Sipas tabelës së publikuar nga FSHF, tribuna G2 dhe C2 kushtojnë 500 lekë.
Tribuna G1, G3, C1 dhe C3, kushtojnë 1 000 lekë. Tribuna F, D kushtojnë 1.500 lekë.
Tribuna karshi E, 2.000 dhe Tribunat B1 dhe B5, 4.000
Tribunat më të kushtueshme janë, A1, A4, B2, B4 me nga 5 000 lekë. Tribuna B3, A2, A3, 6.000 lekë dhe tribunat Vip 2: 10.000 lekë dhe tribuna VIP” 12.000.
‘Kuqezinjtë’ në fillim të qershorit do të zhvillojnë dy sfida. Fillimisht ndaj Islandës në udhëtim më 8 qershor dhe ndeshja e 11 qershorit në “Elbasan Arena” ndaj Moldavisë.
Shqipëria në dy ndeshjet e para ka një humbje, atë ndaj Turqisë në Shkodër dhe një fitore ndaj Andorrës në udhëtim./Atsh/