Kupa e Botës “Katar 2022” do të zhvillohet mes nëntorit dhe dhjetorit, teksa tashmë janë plotësuar edhe 32 ekipet kombëtare që do të marrin pjesë.
Ditëve të kaluara u kompletuan të gjitha grupet për Kupën e Botës “Katar 2022”, por aty do të mungojnë edhe plot kombëtare të njohura.
Më e madhja padyshim se është Italia, e cila është fituese e “Euro 2022”, teksa do të mungojnë edhe kombëtare si ajo e Austrisë, Norvegjisë, Suedisë, Algjerisë, Egjiptit apo edhe ajo e Kolumbisë.
Këto kombëtare janë të mbushura me yje të futbollit botëror ditëve të sotme dhe shumë nga këto yje nuk do të mund t’i shohim në Katar.
Mediumi britanik The Mirror ka publikuar një formacion të ‘frikshëm’ me yjet që nuk do të luajnë në Kupën e Botës të këtij viti.
Në portë do të mungojë Jan Oblak, ndërsa në mbrojtje emra si Juan Cuadrado, David Alaba, Leonardo Bonucci dhe Andreë Robertson.
Në mesfushë nuk do të luajnë në Katar yje si Marco Verratti, Franck Kessie dhe Martin Odegaard, ndërsa në sulm emra si Mohamed Salah, Erling Haaland dhe Riyad Mahrez.
Në bankën rezervë, Mirror ka zgjedhur emra si Gianluigi Donnarumma, Oleksandr Zinchenko, Giorgio Chiellini, Marcel Sabitzer, Jorginho, Zlatan Ibrahimovic dhe Luis Diaz.
Megjithatë, këta nuk janë të vetmit pas nuk janë përfshirë as emra tjerë si Nicolo Barella, Ismael Bennacer, Andriy Yarmolenko dhe shumë të tjerë. /Telegrafi/