Nga plaçkitjet e dyqaneve, shtëpive e deri te vjedhjet e vezëve dhe pulave – ushtria ruse në Ukrainë po vazhdon të shpërfaqë fytyrën e vërtetë

Forcat e armatosura të Ukrainës në profilin e tyre zyrtar në Twitter, kanë publikuar fotografitë e një ushtaraku rus të zënë rob, për të cilin pretendohet se kishte pasur të veshura brekë dhe çorape të ushtrisë ukrainase.

E pothuajse një muaj që nga fillimi i pushtimit rus në Ukrainë, një sërë videosh të ushtarëve rusë janë publikuar në Twitter, ku në mungesë të ushqimit dhe pajisjeve por edhe nga dëshira e madhe, janë parë duke plaçkitur civilët dhe kryer vjedhje në dyqane dhe pompat e derivateve, transmeton Telegrafi.

Videot janë shpërndarë nëpër rrjete sociale nga gazetarët e deri të qytetarët e politikanët ukrainasë. Ishte zëdhënësi i ministrisë së Punëve të Jashtme i Ukrainës, Oleg Nikolenko, që publikoi videon e mjetit të blinduar rus të parkuar pranë një pompe të derivateve.

Lexo po ashtu Ukraina tregon numrin e ushtarëve rusë të vrarë, si dhe atë të makerinerisë luftarake të shkatërruar

Nga ky mjet u panë duke dalë ushtarët rusë që u fut në dyqan dhe filluan të vjedhin gjithçka që kishte nëpër rafte. E zëdhënësi me një dozë ironie shkroi “ushtria e dytë më e fortë në botë”.

Në Twitter janë publikuar edhe video tjera nga qyteti Kharkiv, ku shihen ushtarët rusë duke vjedhur nëpër apartamente, duke marrë me vete pajisje si televizorë dhe mikrovalë. Sikur kjo të mos mjaftonte, ata janë filmuar në një fshat në Ukrainë duke vjedhur pula dhe vezë. /Telegrafi/

https://twitter.com/Turom13/status/1498668715683966976?ref_src=twsrc%5Etfw%7Ctwcamp%5Etweetembed%7Ctwterm%5E1498668715683966976%7Ctwgr%5E%7Ctwcon%5Es1_&ref_url=https%3A%2F%2Fwww.telegram.hr%2Fpolitika-kriminal%2Fviralne-snimke-zbog-kojih-cijeli-svijet-ismijava-ruse-i-ovo-je-druga-najjaca-vojska-na-svijetu%2F