Java e 11-të në elitën e futbollit turk ka nisur me derbin e Stambollit mes Besiktasit dhe Kasimpasas.
Skuadra vendase ka fituar me rezultat të pastër 3-0 përballë Kasimpasas ku aktivizohen dy futbollistët nga Kosova, Florent Hadergjonaj dhe Loret Sadiku.
Megjithatë ajo që ka bërë bujë të madhe në Turqi është përjashtimi i Hadergjonajt me karton të kuq nga kjo sfidë.
Mbrojtësi i Kosovë shkaktoi një ndërhyrje të palejueshme duke penguar një kundërsulm të vendasve dhe u ndëshkua direkt me karton të kuq.
Hadergjonaj e lëshoi fushën i nervozuar, teksa edhe në mediat turke është vlerësuar si vendim i ngutshëm nga gjyqtari kryesor i kësaj sfide.
Teksa tani në rrjetet sociale kanë filluar të qarkullojnë disa video se si për një ndërhyrje të lehtë, Hadergjonaj është përjashtuar.
Ata kanë publikuar pamjet e një ndërhyrje të tmerrshme të mesfushorit të Besiktasit, Josef ndaj Lemos, por përkundër që ishte ndërhyrje tejet e ashpër gjyqtari e ndëshkoi vetëm me karton të verdhë.
Sigurisht që janë dy ndërhyrje krejtësisht të ndryshme, pasi ajo e Hadergjonajt është shumë e butë në krahasim me të Josef që ishte ndërhyrje e ashpër dhe rrezikoi kundërshtarin. /Telegrafi/
🤦🏻♂️Geçen hafta Josef de Souza’nın gördüğü sarı kart pozisyonu, bu hafta Hadergjonaj’ın gördüğü kırmızı kart pozisyonu! Buyrun İzliyoruz… pic.twitter.com/kBuU15SSHg
— Fenerbahçe Rh (@FenerbahceRh) December 4, 2020