Barazimi i fundit në Udine e mbajti të gjallë luftën për titullin në Serie A, por më shumë se froni, gara më e fortë po zhvillohet për vendet që të çojnë në Ligën e Kampionëve dhe Ligën e Evropës.
Me përjashtim të Zonjës së Vjetër që është në krye dhe po dominon futbollin italian, që nga Roma që është e dyta me 59 pikë e deri te Milani që është i shtati me 50 pikë, dallim është vetëm 9 pikë.
Në krahasim me sezonet e kaluar, bie në sy se gjashtë ekipet e para të klasifikimit, kanë nivel të kënaqshëm pikësh, mbi nivelin e zakonshëm.
“Për të shkuar në Ligën e Evropës, duhet një ritëm Championsi dhe për Ligën e Kampionëve duhet një ritëm i denjë për titull”, ka thënë trajneri i Milanit, Montell.
Sassuolo që ishte skuadra e fundit e kualifikuar në Ligën e Evropës, mori ‘lejekalimin’ me 61 pikë, vetëm 11 më shumë se Milani aktualisht që është i shtati në renditje.
Tashmë kur duhen ende 11 javë për tu luajtur, potencialisht të 6 ekipet janë në garë për të dy garat dhe përplasjet direkte që do të vendosin edhe vendet e para. /Telegrafi/