Kampionia olimipke Majlinda Kelmendi, sot (e diel) ka bërë një paraqitje dinjitoze në gala mbrëmjen e organizuar nga IJF, për zgjedhjet e “The Best Judoka Today”.
E shohim shpesh me veshje sportive ose veshje nga përditshmëria, por më rrallë kemi patur rastin ta shohim në ndonjë paraqitje klasike.
Kësaj radhe, Mjalinda befasoi të gjithë fansat e saj me paraqitjen plot shkëlqim me një fustan elegant në gala mbrëmjen e Federatës Ndërkombëtare të Xhudos.
E shoqëruar nga trajneri i saj Driton Kuka, kampionia nga Peja dukej mjaft bukur dhe vezulluese me fustanin e saj të kuq me detaje ari.
Dukjen e saj në këtë natë, Kelmendi ia ka besuar kreatores Blerina Kllokoqi Rugova, e cila e ka sjell Majlindën në një version ndryshe, më të freskët dhe plot shkëlqim.
Në këtë mbrëmje Majlinda është shpallur xhudistja më e mirë në botë për ciklin olimpik 2012-2016. /Telegrafi/
