E ardhmja e Romelu Lukakut te Chelsea është në dyshim akoma më të madh, pasi ai nuk u përfshi në formacionin startues në finalen e Kupës EFL kundër Liverpoolit.
Qendërsulmuesi ishte transferim rekord prej 113 milionë eurosh në gusht të vitit 2021, pasi shkëlqeu te Interi duke i ndihmuar skuadrës së Antonio Contes ta fitonte titullin.
Megjithatë, rikthimi i tij në Stamford Bridge është shoqëruar me probleme të shumta, duke qenë se nuk i përshtatet stilit të tij të lojës.
Trajneri Thomas Tuchel ka shpjeguar se belgu nuk është përshtatja e duhur në sulmin e tij, ashtu që më shumë preferon të luajë pa një qendërsulmues tipik.
Here’s your Chelsea team news for today’s #CarabaoCupFinal! 🔵@ParimatchGlobal | #CheLiv pic.twitter.com/pX3WGmrbkZ
— Chelsea FC (@ChelseaFC) February 27, 2022
“Sot për ne ka më shumë të bëjë me vrapimin dhe vrapimin prapa vijës me Kai (Havertz). Christian (Pulisic) dhe Mason (Mount) për arsye taktike janë përshtatje më e mirë. Është gjë e mirë ta inkuadrojmë Romin nga banka rezervë”, kishte thënë Tuchel për Sky Sports para ndeshjes.
Këto vendime të trajnerit vetëm sa i kanë shtuar spekulimet se Lukaku (ashtu sikurse edhe Jorginho) mund të largohet nga Chelsea gjatë afatit kalimtar veror.
Ai i ka shënuar 10 gola në 28 ndeshje zyrtare këtë sezon duke dhuruar edhe dy asistime, mirëpo në Wembley ndaj Liverpoolit u inkuadrua vetëm nga banka rezervë. /Telegrafi/