Zërat për një ofertë të Juventusit drejt Interit për sulmuesin Mauro Icardin ku përfshihet Gonzalo Higuain dhe 50 milionë euro, është komentuar shumë në Itali.
Ishte Eric Thohir ai që foli i pari, duke thënë se në Itali kushton më shumë se 110 milionë euro.
I fundit që ka folur është Massimo Moratti, ish presidenti legjendar i Interit.
“Si tifoz i Interit do të doja që ta mbanim Icardin, pasi jam i bindur se ai do të bëhet edhe më i fortë në vitet e ardhshme”.
“Është kapiteni i skuadrës dhe nuk kemi pse ta lirojmë, për më tepër që tani është një lider i vërtetë në fushë”.
“Gjithsesi nuk jam brenda klubit, për të ditur situatat ekonomike, ndaj nuk mund të jap një mendim konkret”.
“Ajo që mund të them është se edhe po u shit, me 110 milionë euro do të gjendet një sulmues tjetër cilësor, pse jo mund të pranohet edhe Higuain dhe 50 milionë euro”, ka thënë Massimo Moratti. /Telegrafi/