Drejtori sportiv i Romës, Monchi ka zbuluar se Leicester City bllokoi largimin e anësorit egjiptian, Riyad Mahrez, gjatë verës.
Në Angli, është pohuar se Mahrez kurrë nuk ishte objekt i ndonjë oferte gjatë afatit kalimtar të verës, pavarësisht se reprezentuesi i Algjerisë bëri një kërkesë publike për largim.
Por, Monchi e ka kundërshtuar këtë pikëpamje, duke zbuluar se Roma, ashtu edhe Barcelona, janë përpjekur të nënshkruajnë me Mahrezin përpara fillimit të sezonit.
Sipas drejtorit sportiv të Romës, skuadra angleze ka bllokuar largimin e tij duke mos konsideruar asnjë ofertë në drejtim të algjerianit.
“Mahrez? Ne u përpoqëm ta merrnim atë”, ka thënë fillimisht Monchi për Gazzetta dello Sport.
“Ne ishim në kërkim të një anësori të majtë sulmues, por Leicesteri na tha ‘jo’, ashtu siç bënë edhe për Barcelonën”.
“Prandaj vendosëm të blejmë Patrik Schick (nga Sampdoria), një investim për klubin, edhe nëse nuk ishte profili që ne po kërkonin”, përfundoi drejtori i Romës.
Ndryshe, Mahrez kërkohet nga Roma si zëvendësues i Mohamed Salah i larguar drejt Liverpoolit, ndërsa Barça e kërkonte në vend të Neymarit që shkoi te PSG. /Telegrafi/