Luiz Ejlli dhe Kiara Tito janë ‘martuar’ natën e sotme (e hënë) në Big Brother VIP Albania.
‘Vëllai i Madh’ ua dha një detyrë banorëve për të improvizuar një dasmë tradicionale, ku duhej të zgjidhej nusja dhe dhëndri.
Luizi dhe Kiara kanë qenë në qendër të vëmendjes, gjersa duhej t’i bënin të gjitha gjërat sipas traditës, deri te pjesa që duhej t’i thonin ‘PO’ njëri-tjetrit.
Ata mes tjerash shkëmbyen edhe puthjen e parë, që ishte pritur në masë të madhe nga të gjithë.
Ky moment është publikuar gjithandej dhe tashmë videoja e tyre është bërë virale në rrjetet sociale.
Kjo mbase konfirmon edhe lidhjen e tyre, meqë ata kanë shprehur hapur pëlqimin që kanë.
Atmosferë të mrekullueshme në këtë ‘dasmë’ ka dhuruar edhe këngëtari Altin Shira, duke interpretuar disa nga hitet më të njohura. /Telegrafi/