Moderatorja Kiara Tito feston sot (e mërkurë) ditëlindjen e saj të 27-të.
Dhe për këtë ditë të veçantë, për të ishte përgatitur një befasi shumë e madhe.
Fillimisht kanë qenë familjarët e saj (prindërit dhe vëllai) që nga Italia ia kanë dërguar një video-mesazh urimi bukuroshes së BBVA.
Më pas, prezantuesja Arbana Osmani e ka ftuar Kiarën që të shkojë në oborr për surprizën e radhës, ku e priste këngëtari Luiz Ejlli – konkurrenti që flirton tash e sa kohë me të dhe mundohet t’ia fitojë zemrën.
Artisti shkodran ka interpretuar live për Kiarën këngën “Perfect” të Ed Sheeran në shenjë dedikimi për simpatinë e tij brenda shtëpisë së Big Brother VIP Albania.
Ndërkohë që banorët e tjerë, mes emocionesh e kanë shijuar këtë moment nga disa metra tutje në oborr. /Telegrafi/