Mediat italiane raportojnë se Milani i ka ofruar mesfushorit të Chelseat, Cesc Fabregas, kontratë të vlefshme për dy vite e gjysmë.
Fabregas ka mbetur zgjedhje e dytë në mesfushën e trajnerit të ri të Chelseat, Maurizio Sarri.
Kjo situatë e tij ka bërë që mesfushori spanjoll të mendojë largimin nga Stamford Bridge.
Shumë skuadra të mëdha evropiane janë vënë pas tij, por si duket Milani është më i interesuari.
Sipas mediumit Gazzetta dello Sport, bisedimet mes Milanit dhe agjentit të Fabregasit, Darren Dein, janë duke u zhvilluar vazhdimisht.
Gazeta italiane tutje vazhdon duke thënë se spanjolli e ka informuar klubin se dëshiron të luajë më shumë dhe mund të pranojë propozimin e Milanit.
Milani raporton se i ka ofruar pagë prej katër milionë eurosh në sezon në një kontratë të vlefshme për dy vite e gjysmë.
Megjithatë, klubet ende nuk kanë arritur një marrëveshje në lidhje me çmimin, pasi Rossonerët nuk janë gati të paguajnë 12 milionë euro të kërkuar nga Chelsea. /Telegrafi/