Milani nuk është duke kaluar nëpër një moment të mirë.
Rossonerët kanë probleme të shumta në kryesie të klubit, ku Boban dhe Maldini janë pranë largimit.
Përveç problemeve në administratë, Rossonerët nuk po kalojnë mirë as në aspektin sportiv ku prej vitesh nuk luajnë në Ligën e Kampionëve.
E nëse nuk arrijnë një vend që i dërgon në Ligën e Kampionëve edhe edicionin e ri, Milani mund të mbetet pa kapitenin e tyre Alessio Romagnoli.
Corriere dello Sport ka raportuar se Chelsea dhe Real Madrid janë duke ndjekur nga afër situatën e kapitenit italian.
25-vjeçari vlerësohet lartë nga Rossonerët, por ai dëshiron një skuadër ku i siguron trofe dhe ndeshje në Ligën e Kampionëve.
Gjithsesi Chelsea dhe Real Madrid nuk do ta kenë të lehtë ta afrojnë lojtarin, i cili ka një vlerë prej 50 milionë eurove. /Telegrafi/