Milani dhe Roma po shkojnë kokë më kokë për yllin e RB Leipzig, Emil Forsberg, por çmimi i kërkuar është së paku 30 milionë euro.
Anësori suedez, 25-vjeçar, ka kontribuar me tetë gola dhe plot 22 asistime në vetëm 30 paraqitje të Bundesligës për klubin këtë sezon.
Ai ka shënuar gjithashtu pesë gola në 26 paraqitje për vendin e tij.
Sipas Mediaset Premium, Milani ka bërë një ofertë me vlerë prej 18 milionë euro për Forsberg, përcjell Telegrafi.
Megjithatë, Leipzig duan të paktën 30 milionë euro dhe nuk kanë nevojë të veçantë për të shitur, ndërsa Giallorossi po presin në krahë për të parë se si zhvillohet situata.
Arsenali dhe Bayern Munich janë gjithashtu të interesuar në Forsberg, i cili luan kryesisht në të majtë, por gjithashtu mund të kryej punë edhe në anën e djathtë. /Telegrafi/