Presidenti Ilir Meta është shprehur sot se Shqipëria dënon sulmin e pajustifikueshëm të Rusisë ndaj Ukrainës.
Nëpërmjet një njoftimi në Facebook, Meta ka thënë se sulmi i Rusisë ka shkelur ligjin ndërkombëtar duke kërcënuar jetën e civilëve të pafajshëm.
“I bëjmë thirrje Rusisë të tërhiqet nga veprimet ushtarake kundër integritetit territorial dhe sovranitetit të Ukrainës! Shqipëria qëndron me Ukrainën dhe popullin e saj në këtë orë të errët!”, ka shtuar Meta. /Telegrafi/
