Messi tregon anën e tij njerëzore, ngushëllon djalin e DJ të famshëm amerikan që shpërtheu në lot

Transferimi i Lionel Messit në MLS ka bërë që yjet më të mëdha të shkojnë në stadiume për ta parë nga afër shtatë herë fituesin e ‘Topit të Artë’.

Në ndeshjen e dytë që Leo Messi zhvilloi me Inter Miami, nga shumë yje të pranishëm ishte edhe njëri nga DJ më të famshëm në Amerikë, Dj Khaled.

E djali i tij Asahd ishte shoqërues i Messit para fillimit të ndeshjes me Atlantan, derisa 7-vjeçari filloi të qante në fushë.

Asaht filloi të qante kur skuadrat tanimë ishin në fushë, derisa mediat amerikane kanë raportuar se djaloshi qante shkaku i zhurmës së madhe në stadiumin DRV PNK.

Messi e vuri re se vogëlushi nuk ishte i qetë dhe ai u përkujdes për ta qetësuar duke treguar anën e tij njerëzore.

Vetë DJ Khaled më vonë ndau një video të Messit duke marrë dorën e djalit të tij për ta nxjerrë atë në fushë para fillimit të lojës dhe shkroi: ‘Jam shumë krenar për djalin tim! Bekoni atë Leo Messi”, ka shkruar Dj Khaled.

Lexo po ashtu Messi vazhdon mbretërimin te Interi Miami, shkëlqen me dy gola dhe një asistim në ndeshjen e fundit

Derisa Messi tregoi anën e tij njerëzore para fillimit të ndeshjes me djaloshin e vogël, me të filluar takimi Messi tregoi se është i pamëshirshëm për kundërshtarët në fushë.

Argjentinasi shënoi dy gola dhe dhuroi një asistim më fitoren e thellë të Inter Miami 4-0 ndaj Atlanta United. /Telegrafi/