Yjet e Barcelonës, ndër ta edhe Lionel Messi, duan transferimin e Paul Pogbas te Barcelona, raportojnë mediat angleze.
E ardhmja e Pogba në Manchester United është në dyshim për shkak të formës së tij jo të vazhdueshme dhe një grindjeje të vazhdueshme me menaxherin Jose Mourinho.
Por, skuadrat e interesuara për shërbimet e mesfushorit francez nuk janë të pakta dhe njëra nga to është edhe Barcelona.
Dhoma e zhveshjes së skuadrës spanjolle duke përfshirë yllin e tyre më të madh, janë në favor të një lëvizjeje për mesfushorin e Francës.
Sipas mediumit anglez Daily Mail, Messi është në mesin e një sërë yjesh të Barcelonës që duan që Pogba të bashkohet me klubin katalunas.
Yjet e Barcelonës, duke përfshirë Messin, Gerard Pique dhe Samuel Umtiti, së bashku me menaxherin Ernesto Valverde, dëshirojnë të sjellin Pogba në klub.
Megjithatë, agjentët skautë të Barcelonës thuhet se ende mbeten të ndarë për një lëvizje të francezit në Camp Nou.
Për largimin e Pogbas nga Old Trafford është përfolur edhe gjatë verës, por në fund francezi vendosi të qëndroj te Djajtë e Kuq. /Telegrafi/