Kancelarja gjermane Angela Merkel tha sot në Berlin, përpara fillimit të Samitit të BE-së për Brexit, se ka ende një mundësi për të përfunduar një marrëveshje për largimin e Britanisë së Madhe nga BE dhe se Berlini është gati për të gjitha opsionet, duke përfshirë mundësinë e largimit pa marrëveshje.
Duke folur me deputetët në parlamentin gjerman, Merkel tha se marrëveshja ende nuk ishte arritur për kushtet në lidhje me kufirin midis Irlandës veriore dhe jugore.
“Unë dua që Britania të jetë një partner i ngushtë dhe i besueshëm për Evropën pas largimit”, tha kancelarja gjermane.
Siç tha ajo, ka një shans tani për një marrëveshje të mirë dhe të fortë për daljen e Britanisë nga BE.
“Por duhet të jetë e qartë se gjithmonë do të ketë një ndryshim midis anëtarësimit dhe partneritetit”, përfundoi Merkel. /kp/Telegrafi/