Sergio Massa, Ministri i Ekonomisë i Argjentinës, ka konfirmuar mbërritjen e pesë ofertave për sulmuesin e Tigres dhe Italisë, Mateo Retegui.
Sulmuesi 23-vjeçar me origjinë argjentinase u thirr nga Roberto Mancini për këto dy ndeshje ndërkombëtare të marsit, me të drejtën për të luajtur për Azzurrët falë njërit gjysh italian.
Retegui bëri debutimin e tij me Italinë në ndeshjen e tyre kualifikuese për “Euro 2024” kundër Anglisë, duke shënuar golin e vetëm të Azzurrëve në humbjen 2-1.
Duke folur për Radio Mitre, Massa, i cili është një mik i ngushtë i menaxhmentit të Tigre – diskutoi interesin për Retegui dhe ofertat që kanë ardhur.
“Mateo është thirrur nga kombëtarja e Italisë dhe pesë oferta të ndryshme kanë mbërritur menjëherë për të, të gjitha në tre javët e fundit. Pra, është e qartë se një lojtar 23-vjeçar me dy shtetësi mund të largohet. Nga këto pesë oferta, të paktën katër vijnë nga Evropa”, ka thënë Massa.
Inter su Retegui? È già bagarre. Il ministro dell’Economia: “Ci sono 5 offerte, 4 dall’Europa” https://t.co/RpdIAxK8i7
— TUTTOmercatoWEB (@TuttoMercatoWeb) March 25, 2023
Dy klube që raportohet se janë të interesuar për Reteguin janë Interi dhe Milani, ku i pari e ka ndjekur atë për më shumë se një vit.
Sulmuesi 23-vjeçar argjentinas-italian ka qenë në zjarr për Tigre këtë sezon, duke shënuar gjashtë gola në tetë paraqitje në ligë për klubin.
Retegui iu bashkua Tigre në shkurt të 2022 nga Boca Juniors në një marrëveshje huazimi dy-vjeçare me një opsion blerjeje prej 2.5 milionë eurosh, e cila do të aktivizohet në verë. Gjigantët e Buenos Aires kanë një klauzolë 50 për qind për rishitjen e sulmuesit. /Telegrafi/