Galatasaray ka shënuar fitore ndaj Besiktasit me rezultat 2-1, ku Mauro Icardi shënoi të dy golat për vendasit.
“Derbi i qytetit” kishte një interesim të madh pasi të dy skuadrat po luftojnë për kreun e renditjes.
“Luanët” shënuan të parët në minutën e 18-të të takimit, ku aksioni nisi nga këmbët e Milot Rashicës.
Anësori i Kosovës rrotullohet në krahë dhe më pas hedh me të majtën një harkim të rrezikshëm në zonë, ku Baris Alper Yilmaz pason me kokë për te Mauro Icardi, i cili lëshon një “predhë” në portën e Besiktasit për 1-0.
GOAL
Mauro Icardi doing his job.
Galatasaray leading
1-0 pic.twitter.com/jwZiZy0GgF— Kaan-Turkish Football🇹🇷 (@Kaan_turk_footy) November 5, 2022
Por 10 minuta më vonë erdhi reagimi i mysafirëve, që barazuan ndeshjen me golin e Cenk Tosun.
Pjesa e parë u mbyll me rezultat të barabartë 1-1.
Por Galatasaray kishte plan që ta fitonte ndeshjen dhe ktheu epërsinë në minutën e 59-të, kur Sergio Oliveira asistoi te Icardi që shënoi për 2-1, që ishte goli i tij i katërt në këtë sezon me fanellën e ‘Luanëve’.
Mauro Icardi with his second goal of the match for Galatasaray vs. Besiktas.pic.twitter.com/OfzkVLL9xt
— Roy Nemer (@RoyNemer) November 5, 2022
Me këtë rezultat u mbyll edhe takimi, që e dërgon Galatasarayn në pozitën e dytë me 24 pikë, dy më shumë se Besiktas që mban vendin e pestë. Lider është Fenerbahce që ka tubuar 26 pikë dhe ka një ndeshje më pak të zhvilluar.
Icardi’nin ikinci golünün ardından yaşadığımız sevinç! 💫🦁 #GSvBJK pic.twitter.com/Lov5DfKtAV
— Galatasaray SK (@GalatasaraySK) November 5, 2022
Milot Rashica luajti në këtë takim për 90 minuta dhe ishte prej më të mirëve në fushë. /Telegrafi/