Blaise Matuidi raportohet se ka arritur marrëveshje personale me Inter Miamin që është nën pronësinë e David Beckhamit.
Mesfushori francez ka edhe një vit kontratë me Juventusin, mirëpo këta të fundit janë të gatshëm ta shesin atë në këtë verë.
Sipas asaj që raporton gazetari Fabrizio Romano, Matuidi është pajtuar me kushtet e ofruara nga klubi nga MLS.
Marrëveshja e transferimit do të mbyllet në këtë javë, derisa besohet se Zonja e Vjetër do të përfitojë rreth tetë milionë euro nga shitja e tij.
Inter Miami thuhet se ka përgatitur kontratën e lojtarit dhe pret të mbyllë edhe marrëveshjen me kampionin e Serie A. /Telegrafi/