Mario Balotelli nuk ndryshon, feston golin duke shkelmuar bashkëlojtarin në kokë

Mario Balotelli vendosi të bashkohet në festimet e golave të klubit të tij, Adana Demirspor, të martën mbrëma, duke goditur në kokë shokun e skuadrës, Yunus Akgun, i cili shënoi të dy golat në fitoren ndaj Galatasarayt.

Ish-sulmuesi i Manchester Cityt dhe Interit, i cili nënshkroi në korrik për skuadrën nga Superliga e Turqisë, ka shijuar një fillim të mirë të jetës në Turqi, duke shënuar gjashtë gola në 17 paraqitje në ligë.

I njohur për veprimet e tij brenda dhe jashtë fushës, Balotelli është shpesh në krye të lajmeve dhe një moment gjatë fitores më të fundit të klubit kundër Galatasaray ka bërë që njerëzit të flasin përsëri.

Lexo po ashtu Balotelli shënon dhe asiston në rikthimin e madh të Adana Demirspor ndaj Besiktas – ai feston para trajnerit kundërshtar që e kishte e quajtur pa tru

Menjëherë pasi Yunus Akgun shënoi golat kundër skuadrës së Fatih Terimit, italiani po ecte pranë golashënuesit në festën e bërë, kur, nga askund, ai prodhoi një goditje akrobatike.

Goditja e italianit goditi kokën e Akgun dhe Balotelli u largua sikur asgjë të mos kishte ndodhur.

Lexo po ashtu ‘Çmendet’ Balotelli – godet me boks në sup bashkëlojtarin e tij pas një zëvendësimi

Ky është moment i çuditshëm dhe i rrallë në botën sportive, por jo edhe për Balotellin, i cili njihet për lajmet e jashtëzakonshme.

Balotelli edhe në fillim të sezonit u pa duke goditur një bashkëlojtar të tij në bankinë, pasi gjatë një ndeshjes u zëvendësua në fillim të pjesës së dytë. /Telegrafi/